Սիլվա Կապուտիկյանի տուն-թանգարան

Տաղանդավոր բանաստեղծուհի Ս. Կապուտիկյանի տուն-թանգարանի առաքելությունը մշակութային, գիտական, կրթական գործունեություն ծավալելն է: Թանգարանի ցուցանմուշներն առավել ուշագրավ ու հետաքրքիր են՝ պայմանավորված այն հանգամանքով, որ բանաստեղծուհին ոչ միայն կտակել, այլև իր ձեռքով է ստեղծել տուն-թանգարանի նախնական ցուցադրությունը: Դեռ իր կենդանության օրոք բանաստեղծուհին ստեղծել է 24 ժամ տևողությամբ տեսաֆիլմ, որտեղ անձամբ՝ որպես ուղեկցող, հանգամանքորեն մեկնաբանում է ապագա թանգարանի ցուցանմուշների ‹‹ծագումնաբանությունը››: Սիլվա Կապուտիկյանն իր կտակով ցանկացել է, որ բնակարանի ընդունարանը, ննջարան-աշխատասենյակը և հյուրասենյակը թողնվեն նույնությամբ` ոչինչ չավելացնելով և ոչինչ չպակասեցնելով: Բանաստեղծուհին անձամբ է կահավորել, տեղադրել ցուցանմուշները, տվել բացատրությունները: Ցուցասրահի 1-ին հատվածում ներկայացված են Վանից բերված մասունքներ: Ցուցադրված է նաև կարի մեքենան, որով իր գծագրած հագուստները երիտասարդ հասակում կարել է Կապուտիկյանը: Արժեքավոր նմուշ է հատկապես արևմտահայ մեծանուն բանաստեղծ Սիամանթոյի գրիչը, որը 1963 թ. Փարիզում Կապուտիկյանին նվիրել է պոետի քույրը: Սրահին առանձնակի շուք է տալիս բանաստեղծուհու որդու` անվանի քանդակագործ, ՀՀ ժողովրդական նկարիչ Արա Շիրազի կերտած գիպսե կիսանդրին:

http://www.museumkaputikyan.com/

Հասցե: Սիլվա Կապուտիկյան փող., 1 շենք, բն.26 (Մարշալ Բաղրամյան պող. խաչմերուկում)

Հեռախոս: +374 (010) 520930

Աշխատանքային օրեր: Ամեն օր բացի երկուշաբթիից

Աշխատանքային ժամեր: 10:00-17:00

Կիրակի: 11:00-16:00

ԲԱՑԱՏՐՈՒԹՅԱՆ ՏՈՄՍԻ ԱՐԺԵՔԸ

Հայերեն`         1500 դրամ

Ռուսերեն`      2000 դրամ

ՑՈՒՑԱԴՐՈՒԹՅԱՆ  ՏՈՄՍԻ ԱՐԺԵՔԸ ՝ 300 դրամ        

ՄՈՒՏՔՆ ԱՆՎՃԱՐ Է

  • Բոլոր այցելուների համար` յուրաքանչյուր ամսվա վերջին շաբաթ օրը
  • Աշխատանքային բոլոր օրերին՝ թանգարանների աշխատողների, պետական պաշտոնական պատվիրակությունների, մշակույթի ժառանգության բնագավառի ուսանողների և միջազգային հասարակական կազմակերպությունների ներկայացուցիչների, ստեղծագործական միությունների անդամների, զինծառայողների, լրագրողների համար (կարգավիճակը հաստատող փաստաթղթի առկայությունը պարտադիր է)