Եղիշե Չարենցի տուն-թանգարան

Հայ գրականության մեջ բոլոր ժամանակներում անգերազանցելի բանաստեղծի և 20-րդ դարի տաղանդավոր մտածողի ու փիլիսոփայի՝ Եղիշե Չարենցի տուն-թանգարանը հիմնադրվել է այն բնակարանում, ուր ապրել է բանաստեղծն իր կարճատև կյանքի վերջին տարիներին: Ե. Չարենցի տուն-թանգարանը բանաստեղծի կյանքի, գրական-մշակութային, հասարակական-քաղաքական գործունեության ուսումնասիրության գիտական կենտրոն է: Թանգարանում պահպանվում ու ցուցադրվում են բանաստեղծից մեզ հասած մասունքներ՝ անձնական իրեր, ձեռագրեր, փաստաթղթեր, գրքեր, լուսանկարներ, նյութեր՝ կապված Չարենց-մարդու ու քաղաքացու, Չարենց- բանաստեղծի, թարգմանչի, հրատարակչի հետ: Թանգարանի ‎ֆոնդերի քանակն անցնում է 17 հազարից: Թանգարանն իր հիմնական առաքելությունից բացի, կազմակերպում է չարենցյան լսումներ, ցուցահանդեսներ, գրական-երաժշտական երեկոներ, դասախոսություններ, համերգներ, հանդիպումներ, շնորհանդեսներ, պոեզիայի օրեր, փառատոններ և այլն: Հուշային մասում իր առանձնակի տեղն ունի բանաստեղծի անձնական գրադարանը: Այսօր մեզ է հասել 1422 կտոր գիրք:

Հասցե: Մաշտոցի պող., 17 շենք

Հեռախոս: +374 (010) 535594

Աշխատանքային օրեր: Ամեն օր բացի երկուշաբթիից

Աշխատանքային ժամեր: 10:30-16:30

Կիրակի: 10:30-15:30

Տոմսի արժեք`
Մուտքը վճարը` 1000 դրամ
Ուսանողների, թոշակառուների եւ աշակերտների համար` 300դրամ

Էքսկուրսավարի ուղեկցությամբ`
Հայերեն` 2000 դրամ
Ռուսերեն, Անգլերեն` 3500 դրամ